"Барселона" "Севилья" ҳимоячиси Жюл Кундени сотиб олмоқчи. Футболчига Премьер-лиганинг бир қанча клублари ҳам қизиқиш билдирмоқда.

Ёзги мавсум оралиғида Каталония клуби ҳимоя чизиғини сезиларли даражада янгиламоқчи. Клеман Лангле ва Самуэль Умтити жамоани тарк этиши мумкин.

Шунингдек, Андреас Кристенсен ҳам "Челси"дан каталонияликлар сафига ўтади. Агар бу амалга ошмаса, "кўк-анорранглилар" бошқа харидларни амалга оширади.

Diario AS хабарига кўра, "Барселона"нинг яна бир мақсади Кунде ҳисобланади. "Барса" бош мураббийи Хави ҳимоячига жиддий қизиқиш билдирмоқда. Футболчи мавсум охирида "Севилья"ни тарк этиши кутилмоқда ва Каталония клуби шарафини ҳимоя қилиш истагини билдирган. Бироқ клубга футболчининг нархи тўсиқ бўлиши мумкин. "Севилья" уни 90 миллион еврога баҳоламоқда.

Жорий мавсумда футболчи Ла Лигада 29 та ўйинда майдонга тушиб, 2 та гол ва 1 та голли узатмани амалга оширди.