"Вест Хэм"да ижара асосида ўйнаётган "ПСЖ" дарвозабони Алфонсо Ареола Лондонда қолиши мумкин. Бу ҳақда Daily Mail хабар бермоқда.
Манба берган хабарга кўра, Париж клуби дарвозабон Англия клубида доимий қолса, унинг маошини қисман тўлашга тайёр. "Вест Хэм" деярли 12 миллион еврога футболчи сотиб олиш ҳуқуқига эга, бу улар учун муаммо эмас, Ареоланинг ҳафтасига 140 минг евро маошини тўлаш ҳақида гап кетяпти.
Ареола 2021 йилнинг ёзида “Вест Хэм”га ижара асосида ўтган эди.
Жорий мавсумда 29 ёшли дарвозабон клуб сафида барча турнирлар доирасида 18 та ўйин ўтказиб, ўз дарвозасидан 15 та гол ўтказиб юборди ва 8 бор ўз дарвозаси дахлсизлигини сақлаб қолди.
