"Барселона" ҳимоячиси Роналд Араухо Испания чемпионатининг 36-туридан ўрин олган "Сельта"га қарши ўйинни охиригача якунлай олмади.

Иккинчи бўлимда 23 ёшли уругвайлик футболчи жамоадоши Гави билан тўқнашиб кетди, шундан сўнг у майдонга йиқилди. Роналд шифокорларнинг ёрдамига муҳтож эди.

Mundo Deportivo хабарига кўра, футболчига биринчи тиббий ёрдам кўрсатилгач, аста-секин ўзига кела бошлаган. Бироқ, у тез ёрдам машинасига юкланганида, оғзида нафас олиш найчаси бор эди.

Манбага кўра, Араухо қўшимча тестлар учун касалхонада бироз вақт қолишига тўғри келади. У шифокорлар назорати остида бўлади.

Уругвайлик ҳимоячи касалхонага ётқизилганидан кейин ўйин давом этди. Унинг ўрнига Клеман Лангле майдонга тушди.