"Barselona" himoyachisi Ronald Arauxo Ispaniya chempionatining 36-turidan o‘rin olgan "Selta"ga qarshi o‘yinni oxirigacha yakunlay olmadi.
Ikkinchi bo‘limda 23 yoshli urugvaylik futbolchi jamoadoshi Gavi bilan to‘qnashib ketdi, shundan so‘ng u maydonga yiqildi. Ronald shifokorlarning yordamiga muhtoj edi.
Mundo Deportivo xabariga ko‘ra, futbolchiga birinchi tibbiy yordam ko‘rsatilgach, asta-sekin o‘ziga kela boshlagan. Biroq, u tez yordam mashinasiga yuklanganida, og‘zida nafas olish naychasi bor edi.
Manbaga ko‘ra, Arauxo qo‘shimcha testlar uchun kasalxonada biroz vaqt qolishiga to‘g‘ri keladi. U shifokorlar nazorati ostida bo‘ladi.
Urugvaylik himoyachi kasalxonaga yotqizilganidan keyin o‘yin davom etdi. Uning o‘rniga Kleman Langle maydonga tushdi.
