"Барселона" бош мураббийи Хави "Сельта"га қарши 36-тур учрашувида (3:1) жароҳат олган клуб ҳимоячиси Роналд Араухонинг соғлиғи ҳақида фикр билдирди.
“Шифокор бизга Араухонинг ҳушида эканлигини айтди. У тунни касалхонада ўтказади, доктор ташвишланманг, деди. Эҳтиёткорлик учун у ерда тунаб қолади, бошқа ҳеч нарса йўқ", — дея Хавининг сўзларидан иқтибос келтирди Marca.
Эслатиб ўтамиз, иккинчи бўлимда Араухо шериги Гави билан тўқнашиб кетганди. Футболчи ҳушини йўқотиб, тез ёрдам машинасида майдонни тарк этган.
