Ўзбекистон миллий терма жамоаси собиқ бош мураббийи Эктор Купер Қатарда бўлиб ўтадиган Жаҳон чемпионати саралаш босқичидаги муваффақиятсизликка қарамай, Конго терма жамоасидаги фаолиятини давом эттиради.
“Леопардлар” Қатарда бўлиб ўтадиган Жаҳон чемпионатига чиқа олмади, аммо шунга қарамай, Конго футбол федерацияси аргентиналик мутахассисни ишдан бўшатмасликка қарор қилди.
- Ушбу саралаш босқичида яхши ва ёмон лаҳзалар бўлди. Биз плей-оффда курашган жамоалар қаторидан жой олдик - бу яхши натижа. Ёмон томони шундаки, биз бу тўсиқдан ўта олмадик ва мен бу масъулиятни ўз зиммамга олдим, - деди Купер.
