O‘zbekiston milliy terma jamoasi sobiq bosh murabbiyi Ektor Kuper Qatarda bo‘lib o‘tadigan Jahon chempionati saralash bosqichidagi muvaffaqiyatsizlikka qaramay, Kongo terma jamoasidagi faoliyatini davom ettiradi.
“Leopardlar” Qatarda bo‘lib o‘tadigan Jahon chempionatiga chiqa olmadi, ammo shunga qaramay, Kongo futbol federasiyasi argentinalik mutaxassisni ishdan bo‘shatmaslikka qaror qildi.
- Ushbu saralash bosqichida yaxshi va yomon lahzalar bo‘ldi. Biz pley-offda kurashgan jamoalar qatoridan joy oldik - bu yaxshi natija. Yomon tomoni shundaki, biz bu to‘siqdan o‘ta olmadik va men bu mas’uliyatni o‘z zimmamga oldim, - dedi Kuper.
