"Ювентус" ҳимоячиси Жоржио Кьеллини ёзги трансферлар вақтида Турин клубини тарк этади, деб ёзади журналист Фабрицио Романо твиттердаги саҳифасида.
Манбага кўра, 37 ёшли италиялик футболчига "Лос-Анжелес" ва бошқа МЛС клубидан иккита таклиф бор.
Қайд этилишича, ҳимоячи ҳали келажаги борасида якуний қарорга келмаган.
Кьеллини жорий мавсумда “Ювентус” сафида барча турнирларда 23 та ўйинда майдонга тушди. Ҳимоячининг Турин клуби билан шартномаси 2023 йилнинг 30 июнига қадар мўлжалланган.