“Интер” президенти Стивен Чан “Милан”дан ортда қолганига қарамай, жамоанинг А Серияда ғалаба қозонишига ишонч билдирди.

Мавсум тугашига икки тур қолганда “Милан” “Интер”дан икки очкога олдинда, шунингдек, ўзаро учрашувларда ҳам устунликка эга.

Бугун “Интер” финалда “Ювентус”ни мағлуб этиб (4:2) сўнгги 11 йил ичида илк бор Италия Кубогини қўлга киритди.

“Ушбу кубок “Интер” тарихида абадий қолади. Биз хурсандмиз, лекин шу билан бирга ҳали мавсумни якунлаганимиз йўқ. Биз охиригача курашамиз”, - деди Чан Sport Mediaset нашрига берган интервьюсида.