“Inter” prezidenti Stiven Chan “Milan”dan ortda qolganiga qaramay, jamoaning A Seriyada g‘alaba qozonishiga ishonch bildirdi.
Mavsum tugashiga ikki tur qolganda “Milan” “Inter”dan ikki ochkoga oldinda, shuningdek, o‘zaro uchrashuvlarda ham ustunlikka ega.
Bugun “Inter” finalda “Yuventus”ni mag‘lub etib (4:2) so‘nggi 11 yil ichida ilk bor Italiya Kubogini qo‘lga kiritdi.
“Ushbu kubok “Inter” tarixida abadiy qoladi. Biz xursandmiz, lekin shu bilan birga hali mavsumni yakunlaganimiz yo‘q. Biz oxirigacha kurashamiz”, - dedi Chan Sport Mediaset nashriga bergan intervyusida.
