"Астон Вилла" ҳимоячиси Мэтти Кэш катта клублар эътиборини тортмоқда деб хабар тарқатмоқда журналист Николо Скира.
Манбага кўра, футболчига "Аталанта" ва "Атлетико" даъвогарлик қилмоқда. Иккала жамоа ҳам ўнг қанотни кучайтиришни ўйламоқда.
Кэш ҳам марказда, ҳам қанотларда ўйнай оладиган кўп қиррали ҳимоячи саналади.
Польшалик ҳимоячи "Астон Вилла" жамоасига 2020 йилда "Ноттингем" клубидан 15,75 миллион евро эвазига кўчиб ўтган эди. Унинг шартномаси 2027 йилгача мўлжалланган.
Жорий мавсумда 24 ёшли ҳимоячи “Астон Виллат” сафида барча турнирларда 37 та ўйинда майдонга тушиб, 3 та гол урди ва 4 та голли узатмани амалга оширди. Transfermarkt портали футболчини 22 миллион еврога баҳоламоқда.
