Sky Sports хабарига кўра, "Вест Хэм" ҳужумчиси Андрей Ярмоленко мавсум якунида жамоани тарк этади.
Манбага кўра, клуб ва футболчи 2022 йилнинг июнь ойи охиригача амал қиладиган шартномани узайтирмайди.
Эслатиб ўтамиз, Ярмоленко 2018 йилнинг июль ойида Дортмунднинг "Боруссия"сидан 20 миллион евро эвазига "Вест Хэм"га ўтган эди.
2021/22 йилги мавсумда украиналик футболчи инглизлар сафида 30 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt.com портали 32 ёшли футболчининг нархини 3,5 миллион еврога баҳоламоқда.
