Sky Sports xabariga ko‘ra, "Vest Xem" hujumchisi Andrey Yarmolenko mavsum yakunida jamoani tark etadi.
Manbaga ko‘ra, klub va futbolchi 2022 yilning iyun oyi oxirigacha amal qiladigan shartnomani uzaytirmaydi.
Eslatib o‘tamiz, Yarmolenko 2018 yilning iyul oyida Dortmundning "Borussiya"sidan 20 million yevro evaziga "Vest Xem"ga o‘tgan edi.
2021/22 yilgi mavsumda ukrainalik futbolchi inglizlar safida 30 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Transfermarkt.com portali 32 yoshli futbolchining narxini 3,5 million yevroga baholamoqda.
