"Ювентус" ярим ҳимоячиси Роландо Мандрагора "Торино"га ўтди, дея хабар бермоқда журналист Николо Скира.
Манбага кўра, таянч ярим ҳимоячисининг трансфери "буқалар"га тўққиз миллион еврога тушган. Шартнома 2027 йилгача мўлжалланган.
Мандрагора 2016 йилда "Женоа"дан тўққиз миллион евро эвазига "Ювентус"га кўчиб ўтган эди. У доимий равишда ижара асосида бошқа жамоалар таркибида ўйнади ва "Ювентус"нинг асосий жамоасида битта ўйин ўтказди.
2021 йилнинг февраль ойидан буён футболчи “Торино”да ижара асосида ўйнаб келмоқда ва у ерда ўзининг ўйини билан мураббийлар штабини ҳайратга сола олди. 39 учрашувда 4 та гол урди ва 3 та голли узатмани амалга оширди.
