“Аякс”нинг аргентиналик ҳимоячиси Николас Тальяфико ёзги трансфер ойнасида Испания чемпионатига ўтиши мумкин.

Инсайдер Экрем Конурнинг хабар беришича, 29 ёшли аргентиналик футболчи ёзда Амстердам жамоасини тарк этмоқчи. Ҳимоячини қўлга киритиш учун асосий даъвогар "Барселона" бўлиб, у қишки трансфер ойнасида Тальяфикога фаол қизиқиш билдирган.

Эслатиб ўтамиз, аргентиналикнинг "Аякс" билан амалдаги шартномаси 2023 йилнинг июнь ойига қадар тузилган.

Николас Тальяфико жорий мавсумда Нидерландия чемпионатида 21 та ўйинда майдонга тушди. Ҳимоячи иккита гол урди ва иккита голли узатмани амалга оширди.