Англиянинг уч жамоаси Туриннинг “Ювентус” клуби ҳужумчиси Пауло Дибалани қўлга киритиш учун курашни давом эттирмоқда.
Инсайдерларнинг хабар беришича, 28 ёшли аргентиналик футболчига “Манчестер Юнайтед”, “Ньюкасл” ва Лондоннинг “Арсенал” клублари даъвогарлик қилмоқда.
Дибаланинг ўзи ҳамон Италия чемпионатида қолишни истар эди, лекин "Ювентус"да эмас. Матбуот ҳужумчини "Интер"га ўтиши ҳақида ёзмоқда.
Эслатиб ўтамиз, жорий мавсум Пауло Дибала Италия чемпионатида 27 та ўйин ўтказиб, ўнта гол ва 5 та голли узатмага муаллифлик қилган.
