Туриннинг “Ювентус” клуби раҳбарияти келаси ҳафта бошида “Манчестер Юнайтед” ярим ҳимоячиси Пол Погба билан учрашув ўтказади.
Франциялик футболчи мавсум сўнгида эркин агент сифатида «Манчестер Юнайтед»ни тарк этади. Туриннинг «Ювентус» ва «ПСЖ» клублари бир неча ойдирки уни қўлга киритиш учун кураш олиб боришмоқда.
Журналист Жанлука Ди Марцио хабарига кўра, душанба куни "кекса синьора" раҳбарлари Погбанинг агенти билан учрашуви ўтказилиши режалаштирилган. 29 ёшли ярим ҳимоячининг «Ювентус»га қайтишига халақит бериши мумкин бўлган асосий омил - футболчининг юқори маоши.
