"Ливерпуль" дарвозабони Алиссон Англия кубоги финалида ғалаба қозонганидан кейинги ўз фикрларини билдириб ўтди.

"Мерсисайдликлар" пенальтилар сериясида “Челси”ни 6:5 ҳисобида мағлуб этишди.

“Ажойиб, биз жуда яхши ўйин ўтказдик. Гол ура олмаганимиздан афсусдамиз. Яхши қарама-қаршилик бўлиб, унда биз ўз дарвозамиз даҳлсизлигини сақлаб қолишга муваффақ бўлдик. Кейин эса йигитлар пенальтини ажойиб тарзда амалга оширишди. Мен қилишим керак бўлган ягона нарса охирги зарбани қайтариш эди.

Мен жуда ҳурсандман. Мен ҳам, Менди ҳам ажойиб сейвларни амалга оширдик. Жамоадошларимнинг ёрдамисиз бундай ўйнамаган бўлардим, улар ишимни енгил қилишди.

Сейв яхши чиқди, тўғрими? Дарвозабонлар мураббийлари тўғри қарор қабул қилишимга ёрдам беришади.

"Челси" яхши ўйнади, лекин биз ғалаба қозонишга ҳақли эдик. У бизга Премьер-лига ва Чемпионлар лигаси ўйинлари олдидан ишонч бағишлайди” - деди дарвозабон BBC One билан суҳбатда.