Москванинг "Динамо" клуби ярим ҳимоячиси Даниил Фомин "Локомотив" билан бўлиб ўтган учрашувда ўзининг профессионал фаолиятидаги 23-пенальтини голга айлантирди.
25 ёшли россиялик футболчи фаолияти давомида амалга оширган 23 та пенальтининг барчасини голга айлантирди.
Фомин жорий мавсумда 7 та пенальти тепди. Бунгача ярим ҳимоячи “Уфа”, “Нижний Новгород” ва “Краснодар-2” жамоаларида ҳам пенальти тепган. Фомин 2020 йилнинг ёзидан буён "Динамо"да ўйнамоқда. Футболчининг "кўк-оқлар" билан шартномаси 2025 йилнинг июнь ойига қадар амал қилади.
Жорий мавсумда Даниил Фомин Россия чемпионатида 28 та жанг ўтказиб, ўнта гол урди ва учта голли узатмага муаллифлик қилган.
