Владикавказнинг "Алания" клуби ўз олдига қўйилган мақсадга эришиб, келаси мавсумда Премьер-лигада тўп суриш ҳуқуқини қўлга киритди. Жамоа сўнгги турда сафар учрашувини ўтказиб, Владикавказга қайтиб келганида, уларни мухлислар аэропортда кутиб олишди. Эртаси куни эса жамоа бош мураббийи матбуот анжуманида иштирок этди ва унда таркибда рўй берадиган ўзгаришлар ҳақида ҳам тўхталиб ўтди.
— Сослан Таказов ва Ацаман Бураев ўринбосарлар жамоасига ўтказилади. Роланд Гиголаев ижарага берилади. Марат Бикмаев, Аслан Машуков ва Коста Барбароусес трансферга қўйилади. Кўп йиллик сардоримиз Жамбулад Базаев эса фаолиятини якунлашга қарор қилди, — дейди "Алания" бош мураббийи Владимир Газзаев.