Англия терма жамоаси бош мураббийи Рой Хожсон ҳозирданоқ Украина ва Польша майдонларида бўлиб ўтадиган европа чемпионатига бормаслиги аниқ бўлиб улгурган футболчилар номини эълон қилди.
Улар орасида "МЮ" ҳимоячиси Рио Фердинанднинг таркибга киритилмагани, кўпчиликнинг баҳс ва мунозарасига сабаб бўлмоқда. Кеча терма жамоа бош мураббийи шахсан Фердинандга қўнғрироқ килиб, уни олиб кетмаслигини айтган.
"МЮ" таркибида мавсум давомида деярли ўзгаришларсиз асосий таркибда ўйнган Фердинанд ўзи учун сўнгги имкониятдан ҳам қуруқ қолди. Гап шундаки, ҳимоячи ўз фаолияти давомида ҳали Европа чемпионатларида тўп суриш баҳтига муяссар бўла олмаган. У тўрт маротаба турли сабабларга кўра, ЕВРО мусабақаларидан ташқарида қолиб кетган.
2000-йилда у бугунгига ўхшаб таркибга киритилмаган, 2004-йилда дисквалификация қилинган, 2008 йилда эса, инглизлар умуман европа чемпионатига чиқа олишмаган эди.
Фердинанд билан бир қаторда кутилаётган ЕВРО-2012ни ўтказиб юборадиган яна учта футболчининг номи маълум.
"Тоттенҳэм"нинг ўнг қанот ҳимоячиси, тугаган мавсумда премьер-лиганинг энг яхши ёш ўйинчиси деб топилган Кайл Уокерга ҳам Хожсоннинг таркибидан жой топилмади. Шунингдек, яна бир ўнг қанот ҳимоячиси, "Сити" футболчси Майка Ричардс ҳам ЕВРОга бормайдиган бўлди. Бир неча йиллардан бери терма жамоага мунтазам чақирилиб келаётган Питер Крауч ҳам, ЕВРО мусобақасини телевизор қаршисида кузатадиган бўлди.
