Каталониянинг "Барселона" клуби "Лидс" жамоасига Рафинья Диаз учун расмий таклиф юборди.
Каталония клуби футболчи трансфери учун "Лидс"га 55 миллион евро таклиф қилди. Келажакда бир қатор қўшимча шартлар бажарилса, трансфер суммаси 65 миллионга кўтарилиши мумкин.
Бироқ, инглиз клуби "Барселона"га ҳозирча жавоб қайтаргани йўқ, чунки улар ҳозирда Премьер-лигадаги ўрнини сақлаб қолиш учун кураш билан банд.
Рафинья «Лидс»га 2020 йилда «Ренн»дан 20 миллион евро эвазига ўтган эди. Футболчи тезда ўзи учун янги жамоанинг асосий ўйинчисига айланди ва ҳозирда Бразилия терма жамоасида мунтазам равишда ўйнаб келмоқда.
Жорий мавсумда футболчи АПЛда 34 та ўйин ўтказиб, 10 та гол урди ва 3 та голли узатмани амалга оширди.
