Мюнхеннинг “Бавария” клуби ҳужумчиси Роберт Левандовски “Барселона”га ўтиш ниятида. Инсайдер Фабрицио Романонинг сўзларига кўра, польшалик ҳужумчи "Челси" ва "ПСЖ" қизиқишларига қарамай, "кўк-анорранглилар" сафига кўчиб ўтмоқчи.

Эслатиб ўтамиз, аввалроқ Левандовски Бундеслиганинг сўнгги турида "Вольфсбург" жамоасига қарши ўйин унинг "Бавария" либосидаги сўнггиси бўлиши мумкинлигини шахсан тасдиқлаган эди. Польшалик футболчи клубини ўзгартириш ниятини "Бавария" спорт директори Хасан Салихамиджич ҳам тасдиқлади.

Айни дамда Левандовскининг "Бавария" билан шартномаси бир йилдан кейин тугайди. Мюнхенликлар бу ёзда ҳужумчини қўйиб юбориш ниятида эмас.