Лондоннинг "Арсенал" клуби бразилиялик ҳужумчи Габриель Жезуснинг "Манчестер Сити" жамоаси билан трансфери бўйича музокаралар узилиб қолган тақдирда янги ҳужумчи излай бошлади. Инсайдер Экрем Конурнинг ижтимоий тармоқлар орқали тарқатган хабарига кўра, “канонирлар” Франция чемпионатидан Жезусга муқобил вариант топган.
“Лилль” ҳужумчиси Жонатан Дэвид инглиз клубининг харид қилиниши мумкин бўлган рўйхатига киритилган. "Лилль" канадалик футболчини 65 миллион еврога баҳоламоқда.
Жонатан 2025 йилгача "Лилль" билан шартнома имзолаган. Жорий мавсумда ҳужумчи клуб сафида 47та ўйинда майдонга тушиб, 19та гол урган.
