Каталониянинг "Барселона" клуби Лондоннинг "Челси" жамоасининг икки ҳимоячиси - Маркос Алонсо ва Сезар Аспиликуэталарни қўлга киритишга уринмоқда.

Фабрицио Романо берган маълумотларга кўра, "кўк-анорранглилар" ҳали ҳам бу футболчиларни ўз сафига қўшиб олиш иштиёқидан қайтмаган.

Ҳозир Алонсонинг ўтиш эҳтимоли катта. Ҳимоячи мавсум оралиғида "Челси"ни тарк этмоқчи ва раҳбарият уни ушлаб турмайди. Шу боис, "Барселона" "Челси" билан товон пули борасида келишиб олиши керак.

Аспиликуэтага эса тез орада «Челси» раҳбарияти билан келажагини муҳокама қилиши керак. Агар клуб ёзда етарлича ҳимоячилар билан шартнома имзоласа, Аспиликуэта ўтмишдаги хизматларига ҳурмат белгиси сифатида бепул қўйиб юборилиши кутилмоқда.