"Манчестер Сити" ярим ҳимоячиси Илкай Гюндоган жамоани тарк этиши мумкин, дея хабар беради журналист Фабрицио Романо.
Манба берган хабарга кўра, 31 ёшли германияликнинг вакиллари клуб билан футболчининг келажаги борасида музокаралар олиб боришмоқда.
Футболчининг кетиш эҳтимоли юқори деб баҳоланмоқда, унга "Барселона", бир қатор немис клублари ва "Арсенал" қизиқиш билдирмоқда.
Эслатиб ўтамиз, Гюндоган “Манчестер Сити”да 2016 йилнинг июлидан буён тўп тепади.
2021/22 йилги мавсумда ярим ҳимоячи жамоаси сафида 42 та ўйинда майдонга тушиб, 8 та гол урди ва 6 та голли узатмани амалга оширди.
Футболчининг клуб билан шартномаси 2023 йилнинг июнь ойи охиригача амал қилади.
