"Manchester Siti" yarim himoyachisi Ilkay Gyundogan jamoani tark etishi mumkin, deya xabar beradi jurnalist Fabrisio Romano.
Manba bergan xabarga ko‘ra, 31 yoshli germaniyalikning vakillari klub bilan futbolchining kelajagi borasida muzokaralar olib borishmoqda.
Futbolchining ketish ehtimoli yuqori deb baholanmoqda, unga "Barselona", bir qator nemis klublari va "Arsenal" qiziqish bildirmoqda.
Eslatib o‘tamiz, Gyundogan “Manchester Siti”da 2016 yilning iyulidan buyon to‘p tepadi.
2021/22 yilgi mavsumda yarim himoyachi jamoasi safida 42 ta o‘yinda maydonga tushib, 8 ta gol urdi va 6 ta golli uzatmani amalga oshirdi.
Futbolchining klub bilan shartnomasi 2023 yilning iyun oyi oxirigacha amal qiladi.
