"Барселона" президенти Жоан Лапорта Роберт Левандовскининг "Бавария"дан Каталония клубига ўтиши ҳақида гапирди.
"Левандовски "Барселона"га ўтадими? Биз рақобатбардош бўлиш учун ишлаяпмиз, аммо молиявий аҳволимизни ҳисобга олсак, бу қийин.
Биз клуб иқтисодиётини яхшилашимиз керак. Шундан сўнг биз яхши трансферлар амалга оширишимиз мумкин бўлади. Агар молиявий аҳволни яхшилашга муваффақ бўлсак, биз ўйлаётган барча трансферлар амалга ошади", - деди Лапорта.
Аввалроқ, Каталония клуби польшалик ҳужумчи учун "Бавария"га 30-35 миллион тўлашга тайёрлиги маълум бўлган эди.
