"Ливерпуль" сардори Жордан Хендерсон "мерсисайдликлар"нинг собиқ футболчиси Стивен Жеррард бошқараётган "Астон Вилла" "Манчестер Сити" жамоасига қарши бўлиб ўтадиган ўйинда очко олишига умид билдирди.
Хендерсоннинг айтишича, ҳамма нарса сўнгги турда ҳал бўлса, бор эътиборни ўйинга қаратиш жуда қийин. Ярим ҳимоячининг таъкидлашича, "Ливерпуль" футболчилари қолган барча ўйинларда ғалаба қозониш учун астойдил ҳаракат қилишади, аммо "Астон Вилла" "қизиллар"га ёрдам беришига ва Хосеп Гвардиола қўл остидаги "Манчестер Сити" жамоасидан очко олиб қўйишига ҳамма ишонади.
Эслатиб ўтамиз, сўнгги турда "Манчестер Сити" "Астон Вилла" билан ўйнайди, "Ливерпуль" эса ўз майдонида "Вулверхэмптон"ни қабул қилади.
