Суперлиганинг 9-туридан ўрин олган «Сурхон» ва «Сўғдиёна» жамоалари ўртасидаги ўйинда мухлислар 6та гол гувоҳига айланишди.

Ҳисобни сурхондарёликлар очишганди. Аммо жиззахликлар танаффусгача иккита, танаффусдан яна 2та гол билан жавоб қайтаришди. "Сурхон" легионери Маркович 85-дақиқада пенальтидан фойдалана олганида, эҳтимол воҳаликлар ижобий натижага умид қилишлари мумкин эди. "Сўғдиёна" футболчиси Жавоҳир Қаҳрамонов "дубл"га эришиб, ғалабага муҳим ҳисса қишган футболчилардан бири бўлди. "Сурхон" эса қўшиб берилган дақиқаларда битта гол уриб, йирик ҳисобдаги мағлубиятни бироз қисқартиришди.

"Сўғдиёна" ушбу ғалаба туфайли ўз очколарини 17тага етказди ва тўплар фарқига кўра "Навбаҳор"ни ортда қолдириб, мусобақа жадвали пешқадамига айланди.

Суперлига, 9-тур
"Сурхон" - "Сўғдиёна" - 2:4 (0:1)
Голлар: Муродбек Бобожонов (35), Артём Филипосян (90+6-автогол) — Хислат Халилов (40), Шоҳруз Норхонов (45+4-пенальти), Жавоҳир Қаҳрамонов (75, 90)