Туриннинг "Ювентус" клуби ҳужумчиси Пауло Дибалани "Интер"га ўтиши тобора яқинлашмоқда. Calciomercato нашри бугун аргентиналик футболчи "нерадзуррилар" машғулот базаси яқинида жойлашган жойдан уй сотиб олганини маълум қилди.
Қайд этилишича, “Арсенал” ва “Тоттенхэм” қизиқишлари ҳақидаги миш-мишларга қарамасдан, аргентиналик футболчи “Интер” футболчисига айланади. Дибала учун асосий устувор вазифа ҳар доим А Серияда қолиш бўлиб келган, чунки футболчи бошқа лигаларга ўтишни истамайди.
Эслатиб ўтамиз, аввалроқ Дибала ва "Ювентус" маош борасида келиша олмаганди. Турин клуби футболчининг йиллик маошини оширишни истамади, шу сабабли аргентиналик кетишга қарор қилди.
