Левандовски янги жамоасига ҳозирдан содиқлик намойиш қилмоқда
"Бавария" ҳужумчиси Роберт Левандовски ўзининг трансфери борасида фақат "Барселона" раҳбарияти билан музокара олиб бормоқда. Бу ҳақда инсайдер Фабрицио Романо хабар берди.
Манбага кўра, польшалик футболчи учун Каталония клубига ўтиш устувор вазифа ҳисобланади. Шу сабаб у бошқа клублар билан музокара олиб бормайди.
Эслатиб ўтамиз, Левандовски 2014 йилда Дортмунднинг "Боруссия"сидан "Бавария"га ўтган эди. 33 ёшли польшалик ҳужумчининг клуб билан шартномаси 2023 йилнинг июнида якунига этади. Роберт жорий мавсумда Бундеслигада 34 та ўйинда майдонга тушиб, 35 та гол урди ва 3 та голга ассистентлик қилди.
