“Астон Вилла” сардори Тайрон Мингсни “Ньюкасл” нишонга олди, деб хабар бермоқда The Mirror нашри.
Манба берган хабарга кўра, "Ньюкасл" ҳимоячи учун 44 миллион евро тўлашга тайёр. Бу ёзги трансфер ойнасидаги асосий ўтишлардан бири бўлиши керак. Клуб раҳбарияти Мингс билан ўз ҳимоя чизиғини кучайтирмоқчи.
Мингс "Астон Вилла"га 2019 йилда "Борнмут"дан 22,3 миллион евро эвазига ўтган эди. Унинг шартномаси 2024 йилгача мўлжалланган.
Жорий мавсумда 29 ёшли англиялик футболчи “шерлар” сафида барча турнирларда 36 та ўйин ўтказиб, битта гол урди ва 3 та голли узатмани амалга оширди.
