"Бавария"нинг польшалик ҳужумчиси Роберт Левандовски "Барселона"га ўтиш учун мюнхенликлар жамоасини бойкот қилмоқчи эмас.

Sport1 портали хабарига кўра, польшалик футболчи Мюнхен клубини жанжал, бойкот ва шунга ўхшаш бошқа атрибутларсиз - профессионал сифатида тарк этмоқчи. Левандовски машғулотларни бойкот қилиш вариантини ҳам кўриб чиқмайди, чунки Роберт учун бундай вариант шунчаки қабул қилиниши мумкин эмас.

Эслатиб ўтамиз, Роберт Левандовски ушбу ёзда "Барселона"га ўтишни жуда хоҳламоқда. Польшалик ҳужумчи ва "Бавария" ўртасидаги амалдаги келишув 2023 йилнинг июнигача мўлжалланган.