Килиан Мбаппе ва Флорентино Перес ўртасидаги мулоқот тафсилотлари маълум бўлди.
Журналист Хосеп Педрерол хабарига кўра, "ПСЖ" ҳужумчиси "Реал Мадрид" президентига шундай хабар юборган:
“Жаноб Флорентино Перес, сизга хабар бераманки, мен "ПСЖ"да қолишга қарор қилдим. Менга болалигимдан мухлислик қилган “Реал Мадрид” клубида ўйнаш имкониятини берганингиз учун сизга раҳмат айтмоқчиман. Умид қиламанки, қароримни тушунасиз. Чемпионлар лигаси финалида омад тилаймиз”.
Тахминларга кўра, "Реал Мадрид" раҳбари франциялик футболчига шундай жавоб қайтарган: "Охирги кунларда ишлар шундай бўлиб кетганидан афсусдаман. Улар болалигингиздан бери орзу қилган орзуларингизни буздилар. Сизга барча яхши нарсаларни тилайман".
"ПСЖ" бугун Мбаппе билан шартномани 2025 йилгача узайтирганини эълон қилди.
