Таниқли шарҳловчи Геннадий Орлов "Зенит" ҳужумчиси Артём Дзюбага МЛС клубидан таклиф борлигини айтди.

Ҳозирги сиёсий муҳитга қарамай, журналист бундай ўтишни жуда эҳтимолий воқеа деб ҳисоблайди.

"Нега йўқ? Хоккейчиларимиз НҲЛда ўйнашади. Ўйлайманки, ҳар доим профессионал спортчиларга талаб бўлади. Агентлар Туркия ҳақида ҳам гапиришади. Кўрамиз", - дея Орловнинг сўзларини келтиради Спорт-Экспресс.

33 ёшли ҳужумчи 2015 йилдан бери "Зенит" сафини ҳимоя қилиб келмоқда. Жорий мавсумда Россия терма жамоасининг собиқ сардори Санкт-Петербург клуби сафида 39 та ўйин ўтказиб, 13 та гол урган ва 10 та голли узатмани амалга оширган.