"Бавария" "Ливерпуль" ҳужумчиси Садио Манега қизиқиш билдирмоқда. Футболчининг трансфери Мюнхен клуби учун ёзги трансфер ойнасидаги устувор мақсад, деб ёзади Sky Sport Deutschland нашри.
Ушбу трансферни "Бавария" спорт директори Ҳасан Салиҳамижич истамоқда.
Салиҳамижич сенегалликларнинг манфаатларини ҳимоя қилувчи ROOF агентлиги менежерларидан бири билан учрашди ва суҳбат давомида Маненинг эҳтимолий трансфери масаласи кўтарилди.
30 ёшли сенегаллик жорий мавсумда “Ливерпуль” сафида барча турнирлар доирасида 46 та ўйинда майдонга тушиб, 20 та гол ва 4 та голли узатмани амалга оширди. Унинг клуб билан амалдаги шартномаси 2023 йилнинг июн ойи охиригача амал қилади.
