Германия терма жамоасининг собиқ дарвозабони Йенс Леманн "Бавария" ва "Челси" дарвозабонлари Мануэл Нойер ва Петр Чехни таққослади.
"Мануэль Нойер ўзининг бўйи ва баландроқ сакрай олиши ҳисобига кучлироқ деб биламан, бир томондан эса Петр Чех катта тажрибага эга. Мен унинг "Барселона"га қарши икки ўйинини кўрдим. У бу ўйинларда биринчи планда бўлган ва бир неча бор оламшумул сейвларни амалга оширган. Буни бошқа исталган куни Нойер ҳам такрорлаши мумкин", - дея немис дарвозабонининг сўзларини келтиради УЕФА расмий сайти.