"Бавария" ёзда жамоани тарк этиши мумкин бўлган ҳужумчи Роберт Левандовскига ўринбосар қидирмоқда.
Goal хабарига кўра, мюнхенликлар "Штутгарт" ҳужумчиси Саша Калайжич номзодини кўриб чиқмоқда. Агар Левандовски ёзги трансфер ойнасида кетса, футболчи билан шартнома имзоланади. Польяк "Барселона" билан музокара олиб бормоқда.
Калайжични сотиб олиш "Бавария"га 20 миллион еврога тушади.
Жорий мавсумда у Бундеслигада 15 та ўйинда майдонга тушиб, 6 та гол урди ва 1 та голли узатмани амалга оширди.