"Bavariya" yozda jamoani tark etishi mumkin bo‘lgan hujumchi Robert Levandovskiga o‘rinbosar qidirmoqda.
Goal xabariga ko‘ra, myunxenliklar "Shtutgart" hujumchisi Sasha Kalayjich nomzodini ko‘rib chiqmoqda. Agar Levandovski yozgi transfer oynasida ketsa, futbolchi bilan shartnoma imzolanadi. Polyak "Barselona" bilan muzokara olib bormoqda.
Kalayjichni sotib olish "Bavariya"ga 20 million yevroga tushadi.
Joriy mavsumda u Bundesligada 15 ta o‘yinda maydonga tushib, 6 ta gol urdi va 1 ta golli uzatmani amalga oshirdi.