Мадриднинг “Реал” клуби бразилиялик ҳимоячи Эдер Милитао билан шартномани узайтиришга қарор қилди. Бундай маълумотни инсайдер Фабрицио Романо ўзининг ижтимоий тармоқлари орқали тарқатди.
Томонлар янги шартномани Чемпионлар лигаси финалидан сўнг эълон қилишлари керак, бу ўйинда "қаймоқранглилар" "Ливерпуль" билан тўқнаш келади. Жанг 29 май куни Парижда бўлиб ўтади.
24 ёшли марказий ҳимоячи 2019 йилнинг июль ойидан бери Мадрид жамоасида тўп сурмоқда. Унинг "Қироллик клуби" билан амалдаги шартномаси 2024/2025 йилги мавсум охиригача мўлжалланган.
Ўтган мавсумда Эдер Ла Лигада 34 та ўйинда майдонга тушиб, 1 та гол урди ва 2 та голли узатмани амалга оширди.