Madridning “Real” klubi braziliyalik himoyachi Eder Militao bilan shartnomani uzaytirishga qaror qildi. Bunday ma’lumotni insayder Fabrisio Romano o‘zining ijtimoiy tarmoqlari orqali tarqatdi.
Tomonlar yangi shartnomani Chempionlar ligasi finalidan so‘ng e’lon qilishlari kerak, bu o‘yinda "qaymoqranglilar" "Liverpul" bilan to‘qnash keladi. Jang 29 may kuni Parijda bo‘lib o‘tadi.
24 yoshli markaziy himoyachi 2019 yilning iyul oyidan beri Madrid jamoasida to‘p surmoqda. Uning "Qirollik klubi" bilan amaldagi shartnomasi 2024/2025 yilgi mavsum oxirigacha mo‘ljallangan.
O‘tgan mavsumda Eder La Ligada 34 ta o‘yinda maydonga tushib, 1 ta gol urdi va 2 ta golli uzatmani amalga oshirdi.