"Аякс" ярим ҳимоячиси Райан Гравенберх тез орада расман "Бавария" футболчиси сифатида эълон қилинади. Немис журналисти Кристиан Фалькнинг ёзишича, Юлиан Нагельсманн жамоаси ярим ҳимоячининг трансфери бўйича "Аякс" билан тўлиқ келишувга эришган.
"Бавария" Гравенберхнинг трансфери учун "Аякс"га 40 миллион евро тўлаши кутилмоқда. Аввалроқ, немис жамоаси раҳбарияти Райаннинг Амстердам клубидаги жамоадоши Нуссер Мазрауи билан шартнома имзолаган эди.
Шу тариқа, Гравенберх ёзги трансфер ойнаси ҳали бошланмаган бир пайтда "Бавария"нинг иккинчи хариди бўлади.
