Туриннинг “Ювентус” клуби билан шартномаси тугаган италиялик футболчи Жоржио Кьеллини ўзига янги жамоа топди.
37 ёшли футболчининг янги клуби - АҚШнинг "Лос-Анжелес" клуби бўлди. Бу ҳақда инсайдер Николо Скира ижтимоий тармоқлар орқали маълум қилди.
Клуб ва футболчи ўртасидаги музокара якунланиб, шартнома имзоланди ва тасдиқланди. Кьеллини "Лос-Анжелес" футболчисига айланди. Томонлар ўртасидаги шартнома 2023 йилгача мўлжалланган, деб ёзади журналист.
Кьеллини фаолиятининг катта қисмини Туриннинг “Ювентус” клубида ўтказди, у 2005 йилдан 2022 йилгача унинг рангларини шарафини ҳимоя қилган. "Кекса синьора" таркибида Жоржио тўққиз марта А Серия чемпионига айланган.