"ПСЖ" клуби дарвозабон Кейлор Навас ва ҳимоячи Серхио Рамосни жамоада сақлаб қолмоқчи. Инсайдер Адриен Греньенинг сўзларига кўра, француз клуби келаси мавсумда "Реал"нинг собиқ ўйинчиларидан кўп нарсаларни умид қилмоқда.

Аввалроқ, "ПСЖ" Кейлор Навасни сотишга қарши эмаслиги хабар қилинганди, чунки ўтган ёзда "Милан"дан қўшилган Жанлуижи Доннарумма коста-рикаликдан биринчи рақамли дарвозабон ролини олиб қўйганди.

Рамосга келсак, "ПСЖ" испаниялик ҳимоячи тез-тез жароҳат олишидан норози эди. Бироқ энди раҳбарият футболчига яна бир имконият беришга тайёр.