"Ливерпуль" сардори Жордан Хендерсон жорий мавсумда энг кўп ўйин ўтказди.
Бугун тунда бўлиб ўтадиган "Реал Мадрид"га қарши Чемпионлар лигаси финали 31 ёшли ярим ҳимоячи учун жорий мавсумдаги барча мусобақалардаги 57-ўйин бўлади, бу Европанинг кучли бешлик лигаларидаги барча ўйинчилар орасида энг юқори кўрсаткичдир.
Хендерсон Англия Премьер-лигасида 35 ўйин ўтказди, Чемпионлар Лигасида 11 марта ўйнади ва Англия кубоги, Англия Лига кубогида эса 5 марта майдонга тушди. Умуман олганда, ярим ҳимоячи барча мусобақаларда 3 та гол ва 7 та голли узатмага эга.
