“Милан” “Торино” ҳимоячиси Глейсон Бремер учун “Интер” ва “Тоттенхэм” билан рақобатлашишга тайёр.

Gazette Dello Sport хабарига кўра, "россонерилар" раҳбарияти "Лилль" билан ҳимоячи Свен Ботман бўйича музокаралар чоғидаги қийинчиликлар туфайли 25 ёшли бразилиялик футболчининг номзоди бўйича қарорга келган.

2021/22 йилги мавсум якунида Бремер А сериянинг энг яхши ҳимоячиси деб топилди.

Жорий мавсумда 25 ёшли бразилиялик Италия чемпионатида 33 та ўйин ўтказиб, 3 та гол урди ва 1 та голли узатмани амалга оширди.

Унинг шартномаси 2024 йилнинг июнигача амал қилади. Transfermarkt портали футболчини 30 миллион еврога баҳоламоқда.