“Milan” “Torino” himoyachisi Gleyson Bremer uchun “Inter” va “Tottenxem” bilan raqobatlashishga tayyor.
Gazette Dello Sport xabariga ko‘ra, "rossonerilar" rahbariyati "Lill" bilan himoyachi Sven Botman bo‘yicha muzokaralar chog‘idagi qiyinchiliklar tufayli 25 yoshli braziliyalik futbolchining nomzodi bo‘yicha qarorga kelgan.
2021/22 yilgi mavsum yakunida Bremer A seriyaning eng yaxshi himoyachisi deb topildi.
Joriy mavsumda 25 yoshli braziliyalik Italiya chempionatida 33 ta o‘yin o‘tkazib, 3 ta gol urdi va 1 ta golli uzatmani amalga oshirdi.
Uning shartnomasi 2024 yilning iyunigacha amal qiladi. Transfermarkt portali futbolchini 30 million yevroga baholamoqda.
