Англиянинг «Манчестер Сити» клуби ҳужумчиси Серхио Агуэро ёзги трансферлар ойнаси вақтида жамоани тарк этиши мумкинлиги ҳақида тарқалган хабарларга ўз муносабатини билдириб ўтди.
«Мен «Манчестер Сити»да қоламан. Келажагимни ўзим ҳал қиламан. Агар мен қоламан деган бўлсам, демак ҳақиқатдан ҳам шу ерда қоламан».
«Менда бирор бошқа клубга кетиш хоҳиши йўқ. Чемпионлар лигасида айнан «Манчестер Сити» таркибида ўйнашни истайман», – дейди Агуэро аргентинадаги радиолардан бирига берган интервьюси чоғида.
Таъкидлаб ўтиш жоиз, ўтган мавсумда Агуэро Англия чемпионатининг 35 учрашувида майдонга тушиб, 23та гол уришга муваффақ бўлди.