"Ливерпуль" "Бенфика" ҳужумчиси Дарвин Нуньес учун рекорд сумма тўлашга тайёр.
Record хабарига кўра, инглиз клуби 22 ёшли футболчи учун 100 миллион евро таклиф қилган. Агар "Бенфика" рози бўлса, уругвайлик "Ливерпуль" тарихидаги энг йирик трансфер бўлади.
"Қизиллар" бош мураббийи Юрген Клопп Дарвиннинг ўйинидан ҳайратда қолгани туфайли бу келишув амалга ошиши мумкин.
Нуньес "Бенфика"га "Ливерпуль"га ўтишни истаётганини аллақачон айтган.
Уругвайлик форвард ўтган мавсумда "Бенфика" сафида 41 ўйинда 34 та гол урди ва 4 та голли узатмани амалга оширди.